الماتى قالاسىنا ساتىپ الىناتىن ەلەكتر ەنەرگياسىنىڭ باعاسى 1،5 ملرد.تەڭگەگە ازايعان.

بۇگىن الماتى قالاسىنىڭ وڭىرلىك كوممۋنيكاسيالار قىزمەتىنىڭ الاڭىندا قازاقستان رەسپۋبليكاسى ۇلتتىق ەكونوميكا مينيسترلىگى تابيعي مونوپوليالاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ الماتى قالاسى بويىنشا دەپارتامەنتىنىڭ باسشىسى بولات سامبەتوۆتىڭ قاتىسۋىمەن بريفينگ وتكىزىلدى. 

بولات قۋانىشبەك ۇلى ءوز بايانداماسىندا 2016 جىلدىڭ سوڭىندا دەپارتامەنتكە «الماتىەنەرگوسبىت» ج ش س ەلەكتر ەنەرگياسىمەن جابدىقتاۋ قىزمەتىنىڭ ءتاريفىن وزگەرتۋ وتىنىمىمەن جۇگىنگەن بولاتىن. 2017 جىلدىڭ 1 قاڭتارىنان باستاپ ەلەكتر ەنەرگياسىنىڭ ءتاريفى 1،6%-عا ءوستى. اتالعان وزگەرىس ەنەرگيا بەرۋشى ۇيىمداردىڭ جانە قوسىمشا قىزمەتتەردىڭ (قۋاتتى رەتتەۋ، KEGOC-پەن تەڭگەرىمدەۋ جانە ت.ب.) تاريفتەرىنىڭ وسۋىنە بايلانىستى. ءوز كەزەگىندە، ەلەكتر ەنەرگياسىنىڭ وزىندىك قۇنىن ازايتۋ ماقساتىندا، اكىمشىلىك پەن «سامرۇق ەنەرگو» اق اراسىندا مەموراندۋم جاسالعان. وسى مەموراندۋمعا سايكەس، قالاعا ساتىپ الىناتىن ەلەكتر ەنەرگياسىنىڭ باعاسى 1،5 ملرد.تەڭگەگە ازايىپ جانە حالىققا ءتاريفتىڭ ءوسۋى 1،5% توقتاتىلدى (ەكىباستۇز گرەس-1 8،42 تگ-دەن 7،29 تگ. دەيىن)،-دەپ اتاپ كەتتى ول. 

2017 جىلدىڭ سوڭىندا «الماتىەنەرگوسبىت» ج ش س ءوز قىزمەتتەرىنىڭ ءتاريفىن 6،7%-عا كوتەرۋگە نيەتتەنگەنىن اتاپ ءوتۋ قاجەت. الايدا، كومپانيانىڭ ىشكى رەزەرۆتەرىن ەسكەرە وتىرىپ، باعانىڭ وزگەرۋىنىڭ قاجەتتىگىن قوسىمشا تالداۋ ماقساتىندا ءمونوپوليستىڭ ءوتىنىمى قايتارىلدى. سودان كەيىن، اتالعان كومپانيا اعىمداعى جىلدىڭ ناۋرىز ايىندا 1 مامىردان باستاپ  ەلەكتر ەنەرگياسىمەن جابدىقتاۋعا ءتاريفتى 3،8%-عا كوتەرۋگە وتىنىممەن جۇگىندى. الايدا، كاسىپورىننىڭ شىعىندارىن ەگجەي-تەگجەيلى ءارى جان-جاقتى قاراستىرىپ، تالداۋدىڭ ناتيجەسىندە دەپارتامەنتپەن قولدانىستاعى 16،36 تەڭگە/كۆتس ققس-سىز كولەمىندە ءتاريفتى ۇستاپ تۇرۋ تۋرالى شەشىم قابىلداندى، - دەپ ايتىپ ءوتتى بولات سامبەتوۆ ءوز سوزىندە.